大阪のシマッチュ

こねだぁ〜ら、


あまちば、くまちば、いじぃ、イショさばくりぶぇ〜りし、

ミニャちば、イュちば捕ぅてぃちぃ〜や


うまぶぇてぬぅ、チュんきゃち、むっちいじ、みしょらしゅんむんや、いっちゃっかぁ、


あがしがでぃイュば捕ぅてこば


捌きぬぅくぇ〜さやぁ〜！



にゃんにゃぁりぃくゎ、


むんや、考ぇてぃすらんば、いきゃんわ！



くしっくゎば、曲げてぃ、


きぬぅやひんまら、イュ捌きば、しゅうたんじゃが！


なげぇ〜さ、椅子くぁち、いちゅりぃば、


くしっくわぬぅ、やでぃおしらんわ！


くぇ〜さりょっとぉ〜！


わぁさん、とぅきぃや、


いきゃなぁ、難儀なしぐぅとぅ、あたんちぃ


いきゃしん、ねんたむんじゃが、


うぅちゅちぃ、なりぃばぁ、


むぬぅぐとぅ、しゅうむんぬぅ、くぇ〜さなりゅりやぁ〜！



がっしゃんばん、


うぅちゅんきゃぬぅ 、ゆるくぅでぃ、くりぃりぃば、


ワンだか、


ほぉらしゃんちょやぁ〜！


くりぃたぁ〜り、むらたぁ〜り、


うりだか、


近所付き合い、じゃんから、やむぃららんちょやぁ〜！


くぅしくぁぬぅ、やみやしゅんばん、


うりぃや、いつがでぃでぃん、しぃ〜、いきゃんばやぁ！



くぇさぁ、くぇさぁ〜ちぃ


うむゆんにし、なたぁんちゅんくぅとぅや、



ワンだか、にゃぁうぅちゅじゃやぁ！



いつがでぃでん、わぁさねんちゅん、くぅとぅじゃや！


にゃんにゃぁりぃ、とぅしば、かんげぇらんばいきゃんわ！